憤世嫉俗

我要擇低你地個名!!!!

2008-05-01T19:39:00.004+08:00

停寫左一排!!!係你地迫我再寫的!!!!!

近排搭巴士,多次遇到以下情況,我真係唔信咁好彩我次次都見到Special Case!相信我眼不見更荒唐的事更多!!!!!

話說過去一星期於放工繁忙時間搭了2次迫人到爆的巴士,由於我是在總站上車及為了方便落車,我次次都係坐巴士落客門口後的第一排坐位。

第一次係遇到的是媽媽抱住一個3-4歲小朋友,(本人深信如果放個小朋友落地,一定會被迫死)呢位媽媽上車時坐位己滿,可是佢行車長後面o個兩行坐位時竟然無人讓坐!!!之後呢位媽媽好似慣左咁,望一望後半Part都無位就抱住個仔企左響樓梯位度,最後係由我叫佢過來讓位比佢坐。

望一望坐我後面D人,全部都係後生仔女,有D就發OUT豆有D就係情侶嬉戲有D就打機,總之扮見唔到呢位媽媽一樣。

第二次係我坐同一個位,當時巴士還不至於有人企響度,可是我坐第一行所以不知後面的位子坐滿了沒有,此時有一位身懷六甲的孕婦(個肚大到起碼有7個月!!)上車,我發現她時,她己經擦過我去後面找位坐,我心想,咁可以了...後面一定有位,就算無位,咁大個肚一定有人讓,點知唔夠5秒,呢位孕婦又係慣了似的行回落客位的柱扶著站在車廂內,又係我讓坐!!!又係我!!!!係咪SHORT架D人宜家!!!!後面又係個個都係後生仔女!!!!!係咪真係坐少一陣會死呀????同搭火車/地鐵一樣!!!D人都未落車就湧入去!!

孕婦呢D Case我唔係第一次見,前排響地鐵都遇過,只是沒有即時打出來了罷,本來鬧到累癈事再打!!!我真係忍唔住了!!!!

早排放Lunch時經過一個馬路口,有一位婆婆"撲跪"在地上,端著一個膠碗行乞,見到己很擔心呢D路口位好危險,好容易D人一過完馬路會踢中阿婆個頭,點知話口未完,我身後傳出一聲"踢瀉銀仔"的聲,原來係一個五十多歲的白頭生意佬掛住講電話行路,一腳踢散左阿婆個兜,但係呢個世紀大賤人竟然好像無事發生一樣,望都無望一眼繼續行,頂佢個肺,阿婆個身又動不了,只能拾回散落在她面前的銀仔,我見她身邊其實仲有幾個銀跌左出來又唔知道,便上前幫她,我只是幫她拾回銀仔落個兜,佢竟然雙手合拳多謝我...心都酸埋呀大佬,唔關我事...幫你執個銀唧...唔洗咁呀嘛....宜家呢個社會賤人太多!!做少少微不足道既事都變到好似好難得咁...!

到底香港宜家攪乜!!!以前一有呢D有需要人仕出現,一定大把人讓坐!!!宜家個個好似唔坐好蝕咁!!就算個位得半個屎忽位D友都要攝入去坐!!!無病呀嘛???由於呢班屎忽怪平均年齡都係25歲下,我深信二十年後的香港一定係人間煉獄!!!個個自己顧自己!!!!無理取鬧!!!"快餐店港女"事件大家將會見怪不怪!!!

學王喜於同事三分親中的一句金句同背後CONCEPT!!!我要擇低你地個名!!!!!

08衝擊波

2008-03-14T14:03:00.002+08:00

已有多個月沒有寫blog,原因HONG KONG HELL每日發生的各種荒唐事已令本人無力再鬧....

唯有是他!!!!!唯有是他令我內心突然澎湃起來!!!

我等你!!!!!

爭爭爭爭爭，快快快快快

2007-12-12T22:00:00.000+08:00

今朝睇報紙，見到關於香港人110歲人瑞逝世的新聞，初初不以為意以為是金銀婆婆那些故事，殊不知一Click入去，己經比佢既外型衝擊我對眼!一D都唔似110歲!!

細閱內文發現此位高神父好厲害，懷住好多"做人的典範"去過一生，睇左佢好多道理，其中一句衝擊左我成日:

高師謙當時說過，平日主要工作是飼養院內逾千雞隻，日常大忌，是說話：「從前我們只跟天主說話，都不跟人講話，用手語，因為世間人講話多是壞話，有甚麼好說的呢？現在放寬了，我們可以說話，但不說閒話。」

我睇完直頭心底內"嘩-----!"一聲，直到放工搭火車都仲諗緊，點知即刻比呢個道理衝擊我，話說我由紅磡搭去尖東站，係總站，架火車到緊月台，我已經企響門口準備落車，同時亦見到"一群"人響月台差不多貼實個幕門準備"衝入車"，我初初以為佢地見我唔到所以隙都唔讓一條出來，點知個幕門唔知做乜事成十幾秒後先開，o個一刻我發現佢地唔係見我唔到，係根本無諗住讓人落先，佢地只係見到D"吉位"!

車門一開，o個堆人群足足響我身邊"刷過"成7,8秒先完!
-頭一秒我係無行出去，因為我以為佢地會讓路比我。
-第二秒發現佢地根本無"讓"呢個意識，狂撞入來
-第三秒想鬧佢地，但同時間諗起110歲人瑞逝的信念-"說話通常是不好的事，而我呢一刻最想說的正是鬧人的說話"
-第四秒，忍住
-第五秒，忍住呀...忍住呀.....吸啖氣含響口忍住呀....!
-第六秒，"屌~~~"
-第七秒"iuu~~~~~~!!!!"(第六秒的尾音)

高人，我失敗喇!!!!!!!!!!!!!!!!

其實，我想講，架火車係唔會一到站就飛左去的，只要上車D人讓開條路比人落車先，咁你地咪慢慢上車上飽佢囉，邊個入車先邊個咪坐先囉，同埋，人唔係咁易累唧下話，係咪真係個個都咁需要坐?定係有人爭D位行矜貴呢?

今日o個班人仲要個個20-30歲的上班族居多，有個女人仲抱住扎花添....唉，咁慳力一定好長命。

回應青衣CEO:究竟你地想點?

2007-08-26T00:37:00.000+08:00

簡單幾個字，睇完咁耐個腦有共鳴左咁耐!!

因為你o個邊無得留言，我決定都要響度釋放自己

放過埋我啦好無?!

我都盼望同你地再無瓜葛!!!

我要開枱洩慾!!!!!!!!

有靚歌的片段一千首VIDEO為你點

2007-08-24T15:16:00.000+08:00

好齊人!!!好齊心呀!!!

終於搵到人地老婆個樣喇!!!

抄夠未呀香港!!陸沉啦!!!

2007-08-10T16:54:00.000+08:00

繼朋友"的奶周抄文事件，香港廣告商會的省靚招牌五十年與及ubn.msgr.慘遭懶理MV奪畫事件等等外，今日八號風球早返屋企都係想relax下唧，無意中聽到放學ICU播既歌，OH NO!點解我會識唱既呢?

個魂魄回一回氣時，我頂!!!你係咪咁乾呀?!?!??!?!係咪作首兒歌都要抄呀?!?!?!??!仲要抄返8年前椎名林檎的歌!!!!!!!教壞香港就係你地呢D人!!!!!我真係要唱爆你呀!!!

原罪犯: 放學ICU
Composed by 葉肇中

原曲: ここでキスして
唱:椎名林檎曲:椎名林檎詞:椎名林檎編:龜田誠治

o個兩句仲要不停repeat，臨完仲要慌死你唔知，連升key o個兩句都照唱多次!!

香港呢個地方真係好很特別。

玩命．飛車．殺人狂真人版

2007-08-05T01:35:00.000+08:00

我己經唔想考究片中多位猛男是故意還是甚麼，總之，你們很勁!亦很有型!!

又另一則本地創意滿瀉

2007-08-03T00:14:00.000+08:00

一齊play真係好有效果，當然係mute左上面o個條片的聲音來看會感覺好一點!

錢錢錢錢，呢個地方可唔可以發展其他野呀?一個錢字攪到呢個地方就來玩完喇!

妳是從火星來的嗎?

2007-07-20T22:14:00.000+08:00

我以為響周星馳既戲度先會出現的精彩環節，竟然會響八掛訪問中出現，仲要係由李珊珊帶比我!!!!

呢個香港真係好奇妙呀!!!

華仔變臉，留髮不留頭

2007-07-10T00:31:00.000+08:00

今日睇羅二少D電腦雜誌，揭揭下發現有一個總共5頁的專欄講解人像合成的技術，點都叫做係一編有意義的專題，己經好吸引人睇丫!但令我萬分欽佩既係班編輯敬業樂業自強不息不甘安於現狀既精神!!!!!!!!!!!!!

因為佢地揀左一個令人好有興趣跟住做既Template!!!!!!!係將劉德華個面Key落吳彥祖個頭度!!!!!!!!!!!!!

佢仲要留返吳彥祖既額頭!!!!!!!我頂你丫!!!!!!!!

D.M.C vs 聖飢魔II

2007-07-04T16:47:00.000+08:00

突然心血來潮醒起，到底D.M.C係咪為左紀念一隊日本人口中"無人不知"的經典BAND-「聖飢魔II」呢?

「聖飢魔II」所有形容自己的資料都是用「教派」來形容，「教義」是「地球征服作戦」，所有MEMBER都有「尊稱」例如VOCAL - 「地獄皇太子殿下」，FANS就叫作「信徒」，連唱法都有名堂，「地獄皇太子殿下」口中的「天地逆轉唱法」。

「聖飢魔II」連專屬紀元年都有，於1982年（魔暦紀元前16年）結成，就於DEBUT時已簽定「契約」，會於魔暦元年 ﹣1999年8月解散，可是到了1999年被延期至魔暦元年12月31日23時59分59秒解散。

根據公式文獻記載，「聖飢魔II」是因「地球征服完了」而解散，並於魔暦元年12月31日23時59分59秒在光中消失。

我真係好想睇返當晚個LIVE，可惜找不到VIDEO。

佢地除左連支結他都係死神樣!!!!連首林檎之歌都要叫做「阿當之林檎」，好邪惡呀!!!

「聖飢魔II」於D.C6年(2005年)6月6日舉行「期間限定再集結」「地球Debut 20周年記念恐怖の復活祭」，並於其後一年舉行數場「処刑集會」等，得到不少新信徒，再加上DMC呢一浪，成件事好互動呀!!!!

地獄皇子次次唱親"アダムの林檎"都要食啖蘋果，仲要癲到結他手一路行一路彈結他一路"質"佢食蘋果!!!!到底佢地私底下會吾會有「林檎厭惡症」呢?　

「聖飢魔II」還有很多名曲不能盡錄!!有鬼太郎主題曲Death Rock版，又有以連環殺人犯「JACK THE RIPPER」命名的歌曲，歌詞不斷係「殺你!殺你!殺埋你!殺埋你!」，如果佢地同DMC有「夢幻之隊冧你合演」就好了!

睇返漫畫Krauser二世的做型反而無咁癲!!!

「聖飢魔II」的悪魔用語

悪魔教会 - 唱片公司
渋谷悪魔教会 - BMG
市ヶ谷悪魔教会 - SONY
御破り-守護 (完全相反!!!!)
御魔の手直触の儀(粗譯:與魔王之手直接接觸並且腐蝕儀式) - 握手會
大教典-Album
小教典-Single
最大小教典-Maxi Single
侍従-Manager
武器-樂器
魔暦-1999年為「魔暦元年」

佢地真係好可愛!!!!

魔界連結:
「聖飢魔II」電子魔界
D.M.C 電子魔界
D.M.C網絡教典

m-flo loves MONKEY MAJIK - Picture Perfect Love

2007-06-26T01:11:00.000+08:00

近期另一初初唔入腦，無啦啦愈聽愈好聽的歌!

好鐘意m-flo代表腦中有MONKEY MAJIK，MONKEY MAJIK代表腦中有m-flo!

附加"比下去CLIP"!!m-flo & YOSHIKA x SMAP，不過唱返SMAP歌セロリ又好聽返!!(不過記得最好睇的"SMAP x ???"係"SMAP X 米米CLUB"!!畫面同歌都好滿足!!!希望You Tube遲D會有...T_T

點解我開始變左係咁講東洋歌既呢?!我原意明明係憤世嫉俗架喎!!!!!

食錯嘢

2007-06-23T23:40:00.000+08:00

今日響地鐵站好匆忙咁由月台趕住搭電梯上去都比一個月台賣餐廳廣告的大字吸引到去睇，因為行大字真係超級大!!

當我個心一跟住D字讀--"味．必是你最好"，第一個印象就係"未必是你最好"!!!!隨後一秘先醒覺佢既意思!!!心諗呢個廣告SHORT架??之後再睇下字後面D大頭---HotCha!!!!!

唔怪之得!成件事錯哂!!!!!宜家係咪個個以為食到字就一定係好既SLOGAN呀?

Yuki毒起

2007-06-22T15:12:00.000+08:00

近排鋪yuki毒又上腦!再睇埋呢個WE LOVE MUSIC CM，佢D LIVE功真係好了得,記得當年有一隊叫HYSTERIC BLUE的"嘅嘢"扮YUKI腔扮到超難頂想打佢咁滯，最後個結他手仲要犯左強姦罪入册令隊BAND解散，呢D BAND真係一早應該散!(我講緊HYSTERIC BLUE!!唔係JUDY AND MARY!!!)

日本歌手耐用性真係好強,你就算放低唔聽幾年,幾年後又會突然聽返,仲會搵到好多新驚喜!!!

東洋番文

2007-06-12T21:23:00.000+08:00

我宜家先知原來係"Can't Give You Anything"!

日本D tour goods同本地貨真係無得比...仲要做得出o個只舊野甩色效果

睇description好似話係褪色中添....!!

Lily Allen - Alife

2007-06-03T22:27:00.000+08:00

呢兩日的上腦歌!聽乜個腦都係佢，做緊乜個腦都係佢!!!!

Justice D.A.N.C.E.

2007-05-31T00:02:00.000+08:00

近期最喜愛及睇完原來自己係笑緊+O咀既MV!

初初響Youtube睇覺得"都幾好丫!"點知頭先響公仔箱見到hi-res版，當堂嚇一跳!!

近期極少心水TEE流於市面，如果個MV入面D PRINT出來救救市就好!!!

多得好煩好煩的糖心胸部上埋勁歌迫我繼續轉台!!!

猛男髮乳

2007-05-30T20:41:00.000+08:00

響<<武士の一分>>加左唔止一分既木村拓哉，雖然經過兩個多月來見返平時既佢後變返零分，不過呢排見到GATSBY個廣告後，佢再次跌落負分位!!!!!!!!!!!!!!!

你就來同謝檸檬一齊被LIST入永不超生系!!!!!

我會覺得佢比較不羈

唱開奶周抄文事件

2007-05-24T18:39:00.000+08:00

頂!!!!!日日新鮮日日甘!!!!!先幾日先話點解呢排香港好似日日都有大把野鬧，到底係咪自己問題，點知真係唔係!!!!!宜家呢個香港道德淪亡呀!!!!!!!!!擺明抄野!!!!!!!!!!!!!

寫本書既讀後感有幾難呀???????洗唔洗成篇COPY AND PASTE呀?????就算覺得人地講得岩，又真係咁懶得消化的話，係咪可以加句話響邊度邊度見到有人咁寫呀?係咪當人傻架?宜家資訊有幾發達你知唔知呀???

SHORT架呢個世界!!!!

事源係朋友於BLOG上寫了一篇《消滅九龍》讀後感，幾日後竟然響milk度見返自己篇野!!!不過作者唔係自己，變左做一個唔知算係乜鬼野名-OHbabecyncyn的人"寫的"。

轉戴自Bad Taste But Smell Good，呢D人真係要數臭你!!!

5.24.2007

奶周抄文事件

我有一百個消滅香港的理由，今日又多一個。

這是小弟寫於五月十六號，關於阿德新作《標童話集2之消滅九龍》的讀後感：

「漫畫界除了甘小文以外，就要數阿德楊學德最了解「俗」的文化與真蹄。粗豪狂野的畫風和靈活運用市井對白都令人拍案叫絕。《標童話集2之消滅九龍》(到底是有心或無意?封面的「消」字多了一個橫畫!!)，個人認為比上集更精采，尤其偏愛隊道巴士系列，甜中帶苦，充滿生活感與無奈。」
原文link

下圖是零七年五月二十四日出版，第三百零五期《MILK》雜誌Book B ,page 30一個介紹漫畫的欄目，今期講小克的《偽科》與阿德的《標童》，我發現介紹《標童》的一段文字，有九十巴仙都是照抄我那篇得啖笑的《消滅九龍》：

頁尾標明：text, photo：OHbabecyncyn

不要跟我爭論排列方法不一樣便不算抄，又不是五萬字論文，短短幾句，玩重組句子肯定快過自己諗自己寫吧?! 也不會有這麼多巧合，連續幾句都一模一樣吧? 這位OHbabecyncyn(噢悲先先呀??真係唔識讀咯)，你響奶周幾錢人工一個月呀？?老闆好刻薄你咩??就算係都唔好咁cheap上blog抄人嘢吖!!! 懶就索性重組句子都慳返成段照dup再落返條link咪收工囉!! 報紙啲「網民有嘢講」都係咁之嘛!!!! 個人感想都抄，你冇自己諗法㗎?????我鬧爆你呀!!!!!!!!!!!!!

我不會就此作罷，一定會追究到底。

張貼者：朋友位於 24.5.07

Zaku in Action

2007-05-20T02:36:00.000+08:00

想點呀?

2007-05-17T00:34:00.000+08:00

點呀2%?宜家資訊咁發達，你可唔可以唔好去到咁盡呀...?

你估你真係日本牌子咩~!

跟大家破解一個又一個---謎...!!!

2007-05-14T22:22:00.000+08:00

TVB呢幾日係咁播的"新節目"<<謎>> Promo，初初無睇畫齋聽，己經覺得呢個並唔係一個新節目，所講的什麼"人狼"呀，"大腳八"呀，"麥田圈"呀，我記得我細細個時鄧梓峰同朱慧珊己經同我解釋過哂喇!仲好認真無做作添!!

本來呢篇文我係笑王貽興D浮誇做作樣的，估唔到呢邊廂我以為只係Promo"有野睇"，個節目說毫無趣味，點知宜家電視做左一節，王貽興已經做左過廿次"攤大手"+"俾D眼神我"動作!!講古怪野十分求其，"做作"先係主菜。

無謂多講!!!自己睇!!!!!!

秋官呢D就叫駕輕就熟!!王生係機會學野喇!!!

(其實全節目仲有好多"荒唐鏡"!"謎女郎"出場呀，王貽興不停CLOSE UP"俾D眼神我"呀，不能盡錄，上YOUTUBE摷啦!)

熊貓車大会第一回召集

2007-05-14T00:06:00.000+08:00

紅外線遙控熊貓車，約埋一齊死死團追遂戰啦!!

玩具癮之前抑壓得太勁，呢期反彈得太過份!!!!!!!!

hide with the Spread Beaver

2007-05-09T22:11:00.000+08:00

差不多已經有5,6年沒有聽回曾經很喜歡很喜歡的J-ROCK CD，近來突然心血來潮先取為記念hide過世的致敬大碟"hide TRIBUTE SPIRITS"，由一眾J-ROCK單位重新演譯hide的名作，當年因為喜歡GLAY及LUNA SEA，只著重聽他們RE-ARRANGE的版本，到今時今日聽返，覺得每一個單位都好厲害，真係"致敬作"，將hide的歌變成有自己STYLE的歌，唔似得香港D所謂"唱作人"，將本身已經無乜ARRANGEMENT的歌再變成一個簡單鋼琴版，或者再電子少少，就叫"REMIX"。

全CD用Yoshiki彈奏的"GOOD BYE"做最後一首歌...我諗佢彈琴時的心情應該好難過，一樣係X-JAPAN的MEMBER....

到現在不停再聽回hide生前的個人CD，點解到個人唔響度時，先會覺得他的歌特別好聽呢....?

BTW，原來佢比椎名小姐更先用大聲公演奏，可能還有前人影響，走著瞧。

(Chirolyn扮女人真係好惡頂)

法國5月 - Emilie Simon

2007-05-08T22:59:00.000+08:00

WHAT A LIVEEEE!!!!

Emilie Simon LIVE真係好好睇，三個人好似玩魔術咁，除左我可以好正確講得出有個樂器叫"電結他"外，其他o個幾十樣樂器好多我連樣都未見過!!!!

又係78年出生既女子，同椎名小姐一樣...甚至覺得呢位更技高一籌，(不過我本人喜愛椎名style多D!) 全場吾著鞋響度周圍走，聽CD雖然見只只歌的Programming都係佢做，不過聽CD以為響電腦慢慢砌架嘛....!今日睇一次LIVE真係呆左!!特別係敲擊樂手將"一盆水"都玩得出神入化時，o個下真係好癲，我完全吾知點形容!!一個大鋼琴打開個蓋就可以邊彈邊打鼓.....總之有"表面"既野....呢位敲擊樂手應該係無野會敲吾出歌.....

o個位我最喜愛的Johnny Deep做型一絕Programmer- Cyrille Brissot (明知近睇係會樣衰o個只)仲要即錄敲擊樂手"敲出來的"水聲"即MIX"!!!係"即MIX"!!!

再講多次好好睇，全場8成人都係法國人，氣氛勁好。最後Encore x 2無啦啦彈一首鋼琴版Come As You Are....竟然比佢玩到好岩數.....

$250睇到呢D LIVE真係抵到爛，Local o個D"歌手"閒閒地都$480.....睇佢地走音，嗌，換埋哂D核突衫，響天空吊落來....唉!

(吾該哂阿屎買飛!!!)

價值觀大對倒

2007-05-07T23:07:00.000+08:00

我發現我已經不能同到呢個香港的人類系溝通，到底係我太過時，定係呢個社會愈來愈倒退?

呢個社會不知從何時開始，(應該是手機普及後），"時間觀念"四個大字從大家的腦海中完全消失。消失之餘還要與本身意義對倒，最抓爆頭都不明白的現在大家都視之為"正常"的普及現象有:

約朋友食飯行街"時間"是癈的。

一向約好了時間，我就會依時出現，幸好大部份朋友約見面還會有"時間，地點"，好怕前一晚還未知見面時間，好有"甩底"FEEL。不過有其中一個圈子(比較其他圈子年輕)的朋友，我已經變得好怕與他們"約見面"，時間沒有，地點沒有，人數沒有，地點不知為什麼差不多次次也是銅鑼灣，吃合發(為什麼我經過一日辛勞工作還要九點幾過海吃你一個合發呀?!有時仲要再等齊人!)經常7點多才打來說一起去食飯，喂，我同羅太兩個人住的，7點多才打來約還要說不遲，羅太預好煮的飯你吃麼?你忍心突然打去說"我不回來了"麼?做人有點交帶好不好呀時下年青人!!!

經常性約8時，時間可以的話我會出去，但往往出到去所有人10時才出現，還要覺得好正常，可能我真的好易累(還可能因為本人由銅鑼灣回家其實有少少九曲十三彎)!一日已經覺得時間好不夠用，我真的付不起這些時間再街上遊蕩。我只是想食餐朋友飯罷了，不是任何時候也想找東西買的呀!

繼上星期經歷過呢件事件後，(之前都吃不少)連續推了好幾天說不出來，今日見說了很久一起去吃海南雞飯，便答應了。(其實已經不想吃那間，因為聽聞過朋友的究極昆蟲事件，不過他們不知為什麼不想走出銅鑼灣，去九龍城吃好像要爬九十個山頭才去到似的。)

6時半致電友人，說約了7點半。喂!!如果我沒有打來的話你是不是打算8時才告訴我，我還有工作要做，起碼要8時才到達，想去的意欲已減了三成(反正我比較喜歡一個人吃飯，想吃怎麼也可以。)之後問一句"不過你地都遲架啦，即係8點半度都OK係咪?" (再一次證明約時間係癈的) 得到的回覆是:"呀!今日會準時呀，因為XX及XX也去，他們去完XX後便去了)，之後我便說不去了，反正趕頭趕命都趕不到7點半，為什麼吃飯要吃得這麼辛苦呢。

最後依然覺得他們準時實在沒有什麼可能，(近兩三年來未發生過，我一向等的時間卻比吃飯的時間還要多)最後比多一次機會，做完了我原本要做的事後再打一次電話，如果他們還未開始的話，當時7:30pm在尖沙咀的我便過去大坑，先打了給"準時的兩位"，沒人接聽，便打給飯局主辨人，即是話今晚會準時那位，殊不知答案往往在意料之外，

"我未出呀，不過你可不可以幫我到灣仔拎飛?不過他們8點關門呀"
"咩飛?"(已經嬲嬲地，本身已經不是想去，到我話去，你又要我中途到灣仔下車拿一些我還不知是什麼的門票)
"陳綺貞呀，不過不知地點在哪~"
"下?"(我條火已經燒緊，因為我又不是去看的其中一個，為什麼我想去吃一個飯，無啦啦要接受一個不順路時間像競賽的任務)
"不過我有地址， XXX街一百XX十號XXX大廈XX樓"
"嘩一定知啦，有無D咩位置形容下呀" (盡哂人屎)
"無呀我都不知在哪兒，還有，要先幫我們付二千多元~!不能碌卡，只能給現金"

(不記得三千多或是二千多，總之就不是小數目，無啦啦做咕喱還要倒貼住先去拎/買一個自己無去睇的演唱會門票?條路時間已經不合時宜，已經7:40pm，仲要去排隊提款，一想像就立刻怒火中燒。回一句:盡人屎啦!)

之後當然無去灣仔，一來明知時間不許可，二來愈諗愈嬲，點解不是叫己經在海島區兼去看演唱會的人去辨?(大把符合以上條件的人正在港島區遊緊) 嬲到爆之際打比另一個朋友，他說ON THE WAY中環去大坑途中叫我去食飯。殊不知我一抵達飯店，我又是第一個。On The Way的朋友叮叮緊來，另一個在銅鑼灣行緊，"準時的二人"失蹤，主辦人已經無心機找他。

坐低叫了個椰青邊飲邊等，等了半個鐘好嬲，準備不等他們，叫個海南雞飯自己吃完再不來的話做走了，怎知一ORDER，老闆說"剛剛"賣完了，我是見著遲我來的客人點到了"最後兩客海南雞飯"。

憤怒指數已經不能再忍，正想起身走時其中一個朋友到了，隨後On the way朋友都到達，亦都無人覺得"遲左"，但對"買飛"事件都託異...

對於我呢排不停有"被搵著數"感覺好差!我之前沒有發脾氣係因為我覺得多一事不如少一事，幫到的就幫，但不是"老鳳"的呀!

我已經無哂心機，呢個香港不如真是沉掉算了。

下剋上エクスタシー

2007-05-06T01:28:00.000+08:00

呢排係咁想重整間房...不過買傢俬呢家野原來真係吾覺吾覺吸哂你D錢!!!加埋帶佢返屋企所需D力水同運輸費.....

試櫈睇埋之前睇得5分鐘既「下剋上エクスタシー」，原來之後有好多SPECIAL VIDEO，有佢地平時玩呀BACKSTAGE呀之類既片.....諗返椎名小姐o個陣其實得21歲....好叻....

仲要睇返佢同"結他手"D表情...UMMMMMMM!!!!!

人地連MAKE UP TEAM都咁認真!!!香港D PASS都係一塊爛紙過膠就算!!!!

型男講座

2007-05-01T00:40:00.000+08:00

今日所有人都去哂確士威灣!!!無啦啦去左我平時吾會去既鋪頭，仲要買到野!

為左吸多個印仔，買左呢本"型男講座"，睇到我響地鐵自己響度笑!教你勁多矯揉造作野令你變萬人迷!!

仲有呢對沖涼孖寶，令沐浴增添不少樂趣!!加埋個枕頭...舒服哂!!!

今日終於買到可以用Radio Alarm既收音機!仲要合理價錢!!慳返吾少位!!

聽日又要繼續努力工作!!D壯志精神返哂來!!!

洪武大帝

2007-04-28T16:39:00.000+08:00

日前響公司發現有人睇呢本"洪武大帝"，一向都無睇呢類漫畫的我覺得好新奇，因為我自細一聞到本地漫畫掀開時散發出的那種"獨特味"我就會頭暈...到宜家我都係咁...-_- 所以我只能觀賞其封面，更加發現一個我百思不得其解的詞彙出現在漫畫封面的左一角---"潮華版"!有無人可以解答我問題呢?

ウルフルズ

2007-04-26T22:25:00.000+08:00

本日要介紹的樂隊係----一隊日本古靈精怪懷舊造型四人佬BAND----ウルフルズ (音: U-RU-FUITS)!

佢地D歌不嬲都用D"佬口吻"唱!!仲首首都咁精神!!!自從十一年在追日本節目時聽過佢地只大HIT作『ガッツだぜ!!』之後就久久不能忘記佢地!!適逢今次去日本撞著佢地出BEST碟+出道12年LIVE HISTORY DVD，無慮即決!!決到今日先開只DVD來睇!!!一路睇覺得佢地真係好新奇刺激!!

呢D衫試問有幾多人敢著...仲要有個心形響個肚度!

無啦啦結他手呀BASS手呀鼓手又會放低哂D野出來跳繩跳舞...VOCAL最後仲要"死埋"!

無啦啦又會懶浪漫坐住條月亮降落來!!!無啦啦仲拎住兩支咪出來吾知做乜，睇真D原來個咪加左個"子彈匣"變左做一支槍頂你!!之後口琴仲同"手槍"二合為一...吹奏時彷如吞槍一樣!!

其間1999年Bass手ジョン・B・チョッパー因為話"想成為作家"而突然脫退，其後一直用Support Bass而無搵人取代其位!ウルフルズ就由四人組合變成三人形態，當然之後ウルフルズ人氣下滑....而2001年TOUR將本來音樂好輕鬆的”明日があるさ”(類似解作"We Have Tomorrow")演奏成"煽情清唱版"，因為歌詞係講年少時充滿夢想，但長大後出到來社會做事反而做牛做馬，每唱一句收尾都係”明日がある"去勉勵自己，所以一清唱就會好煽情！！D Dancer仲要著哂吾同行業既衫喊哂....攪到一透過任何螢幕見到人喊就好想喊既我都忍吾住....-_- 點知!!!!我一忍吾住佢就無啦啦轉BEAT!!!! D Dancer突然全部一齊由直立轉為相中右下角的POSE!!再欣然起舞!!!激到我丫!!!!

”明日があるさ” PV

而於一年後的LIVE(2002年)，本身脫退左的BASS手突然現身重回BASS岡位，於一年後再正式宣佈加入返ウルフルズ，其後有一首新作"ええねん”(解作當人地問你問題，無點哂頭"UM"一聲代表"都吾錯丫" "好呀"之類既語氣)就係歡迎佢返來既歌...歌詞內容又係句句後面都有句"ええねん”，意思大約係"點都好啦，返來就好了"!好感人啊!! T__T

"ええねん” PV!!!

隔個海既歌手大部份都娛樂性之餘亦都有料到，吹口琴係閒事，但香港D歌手一個二個是但玩兩下"吾精"既樂器，就算敲下三角鈴都好!!D歌迷都會當佢地神咁拜!!!救命!!!!

Juno - Chapel of Dawn

2007-04-23T20:24:00.000+08:00

自今日同火爆仔鬧左香港"正人正事"成日後，放工返屋企時一直氣難平!!今晚真係忍吾住要講喇!!

今回被炮轟既事件係--JUNO，CHAPEL OF DAWN CD PACK!

本身諗住放佢一馬，不過一直見到好多人讚佢今次個PACK，我真係愈睇愈嬲。

多數人讚佢個PACK呢件事我真係估吾到，事緣我響98年已經擁有以下呢盒GLAY "SUMMER of 98" LIVE VHS。

當年我就真係覺得個盒新奇喇!個盒同VHS好FIT，入面都有PRINT，前面仲有多一小格放LYRICS BOOKLET同幾張LIVE INFORMATION LEAFLET，成件事FIT到漏。再送多盒好精美既初回限定品:一盒四冊PHOTO BOOK，排好NUMBER一個MEMBER一本!

但係JUNO既CHAPEL OF DAWN有D咩呢?大家又睇睇。

我一打開只CD同時有兩個感覺o係我心裡湧出來:

1.做乜入面得紙皮咁CHEAP
2.入面好乾淨利落咁成盒CD可以拎出來，咁要個盒做乜。

個盒佢都有格"分格"響前面架喎!(同GLAY盒一樣) 我嘗試將本LYRICS BOOK(DESIGN吾講)放入去，放左一半已經塞吾入，即係o個格野係癈的，從而令我更加聯想到呢個盒既意義(meaningless)，用處(useless)甚至出處!

今日係咁諗起成6,7年前一位好朋友對我講過既說話"緊張你先會對你有要求，所以拍拖既人永遠多拗撬過朋友咁多!"因為對JUNO有期望先咁激氣呀...吾見我緊張戴夢夢只碟做成點?理得就咁用個膠袋包住拎出來賣丫!

今日令本人無激氣，反而讚嘆既竟然係由歌神Sam Hui，吳孟達同毛順筠主演既"水滸笑傳"!本身已經覺得呢套戲好好笑，今日因為要幫套戲做Endpage，grab帶睇下有咩element用時，發現原來好多detail!!其中有個位係兩只戴面具出場既卡拉蘇，佢地所戴既面具分別係郭富城同劉德華既手繪版!!!